Då er første utgåve av Hovderittet historie! Mange flotte tilbakemeldingar frå deltakarar og publikum fortel om eit vellykka arrangement. Perfekt ver, god deltaking og ei fin ramme rundt rittet. Det var mange blide fjes å sjå. Dette må vi få til igjen! Ei stor takk til alle som har vore med å bidratt!
Les vidare for resultat, bilder og stemningsrapport.
Gratulerer til talentfulle David Dagestad Myklebust med ein imponerande 3. plass under Nordfjordrittet. Seier gikk til Ålesund OCK med to mann i brudd. Nokre minutt bak kom forfølgergruppa jagande, og med ein kraftspurt av dei sjeldne gjorde David kort prosess opp dei bratte bakkane mot mål på Vereide. Like bak, på 6. plass følgte Olav-Andre Myklebust. Sterkt!
Buffane våre er komne og snart skal alt vere klappa og klart for tidenes første utgåve av Hovderittet. Vi er spente! Er du? Husk å sette av datoen Søndag 28. juni.